فرشاة مساج الوجه والرقبه

فرشاة التفريش الجاف: مساج يحفز اللمفاوي

هذي الفرشاة نستخدمها عشان نسوي مساج وتدليك خفيف للوجه والرقبة. الهدف الأساسي من هالمساج هو تحفيز الغدد اللمفاوية، وبالتالي تحفيز الكولاجين لشد ونضارة البشرة.

الغدد اللمفاوية موجودة عند الأذن، وتحت الفك، وعلى الرقبة. لما نمرر الفرشاة بلمسات خفيفة، هذي الحركات تحرك السوائل المحتبسة وتدفعها صوب هالغدد عشان تطلع من الجسم.

شو يصير للبشرة؟

• الانتفاخ يقل: خاصة تحت العين وعند الفك، لأن السوائل المحتبسة تتحرك وتطلع.
• البشرة تفتح: السموم اللي كانت محتبسة تطلع، فالبشرة تصير أفتح وأكثر إشراقة.
• البشرة تصير أنعم: الفرشاة تشيل خلايا الجلد الميتة، فالملمس يصير ناعم وصافي.
• البشرة تلق لق: الدم يتدفق للويه، فيوصل الأكسجين والغذاء، وتبين وردية ومشدودة.
• المسام تبان أنظف: مع الاستمرار، المسام تنفك، فتبان أصغر وأنظف.
• الخطوط الدقيقة تقل: مع الوقت، تحفز الكولاجين، فتبين الملامح أصغر وأشد.

الطريقة بالضبط

1. الويه نظيف وجاف تماماً، بدون ماي ولا غسول.
2. امسك الفرشاة، وخلي اللمسات خفيفة جداً، كأنج تلمس ريشة.
3. ابدأ من وسط الويه (الخدود والأنف)، ومرر الفرشاة صوب الأذن. كرر هالحركة ٣ مرات.
4. من الجبهة، مرر الفرشاة صوب فوق (باتجاه خط الشعر)، بعدين من الجبهة صوب الرقبة.
5. من تحت العين، مرر بلمسات خفيفة جداً صوب الأذن (تجنب الضغط على العين نفسها).
6. من الذقن، مرر صوب الأذن على طول خط الفك.
7. بعدها انتقل للرقبة، ومرر الفرشاة من تحت صوب فوق، باتجاه الفك.
8. كل هالحركات تاخذ دقيقتين بالضبط.
9. بعدها غسل الويه بماي فاتر، نشف، وحط المرطب.

المميزات

• شعيرات ناعمة وكثيفة لطيفة على الويه
• مقبض من الخشب الطبيعي مريح في اليد
• حبل للتعليق عشان تنشف زين وتظل نظيفة

العناية: اغسلي الشعيرات بماي فاتر وصابون لطيف مرة في الأسبوع، وعلقيها تنشف والشعيرات صوب تحت.

التخزين: تحفظ في مكان جاف ومهوّى بعيد عن الرطوبة وأشعة الشمس المباشرة.